Fitxa artistikoa:
Euskal Herriko Gazte Orkestra (EGO)
Unai Urrecho, zuzendari gonbidatua
Programa:
EGOk J. C. Arriagaren Esklabo zoriontsuak obraren obertura interpretatuko du; Felix Mendelssohnen Konzertstücke 1. zbkia, op 113 eta 2. zbkia, op. 114; Gustav Mahlerren 5. sinfoniaren Adagietto; eta Georges Bizeten Carmen 1. suitea. Bi kontzertu horietan Silvia Ferro eta Oihan Espina bakarlari, klarinete jotzaile eta EGOko kide ohiek hartuko dute parte.
Irakasleak:
- Kana Ohashi
- Mirelys Morgan
- Joaquín Riquelme
- Deborah Tolksdorf
- Pierre Emmanuel De Maistre
- Andrei Kavalinski
- José Luis Sogorb
- Alberto Navarra
- Sergio Castelló
- Bart Jansen
- Céline Landelle
Unai Urrecho izango da 2026ko Udako Topaketaren zuzendari gonbidatua, 1997an EGOko lehen promozioko kide izandakoa. Orkestrara itzultzeak, orain musika zuzendaritzatik, balio bereziki esanguratsua ematen dio edizio honi, prestakuntzaren historia eta bertako kide izan direnen ibilbide profesionala uztartzen baititu.
Egitarau honen bitartez Juan Crisostomo Arriagari omenaldia eskeiniko zaio, bere heriotzaren berrehungarren urteurrenean. EGOk Esklabo zoriontsuak, bilbotar musikagilearen lanik esanguratsuenetako baten obertura interpretatuko du, errepertorio sinfonikoko beste obra aipagarri batzuekin batera.
